Site Name

Konyaan ABO Beljiyeem walgahii addaa qaama olaanaa ABO Kutaa Awuroppaa waliin gaafa 20/12/2008 miseensota isaa guutuu bakka argamanitti adeemsifachuun milkiin xumurateera.Guyyaa kanattis gabaasni hojii Dura ta’aa Konyaa  tin dhiyaateera.Itti aanees, J/Asteer Gammada Miseensa Gumii Sabaa ABO (I/G odeessii fi barressituun ABO kutaa Awuroppaa) ibsa bal’aa fi gaafillee dhiyaataniif deebii quubsa kennaniiru.Miseensotni haaraa lama dabalataan yeroo kanatti masakamuun immoo milkii biroo walgahii kanaa ture. Dhimma ijoo marii keessaa

• Haala qabsoon bilisummaa Oromoo irra jiru
• Gufuu falmii bilisummaa uummata Oromoo mudatee fi furmaata isaa
• Gurmaa’ina,hordoffii fi raawiii dirqama dhaabaa
• Diinagdee dhaabaa guddisuu kan jedhan hanga tokko turan

Marii miseensotaa kana boodas gaafa 21/12/2008, Hawaasa Oromoo biyya Beljiyeemitti argamuuf ibsi bal’aan erga kennameen booda yaada Oromummaa mariin milkii qabeessi godhameera.

Dhuma irrattis ibsa ejjennoo armaan gadii baasuun walgahichi nagayaan fi jaalalan xumurameera.

• Dhaaba keenya ABO diinagdee fi aarsaa hanga wareegama lubbutti ni tumsina.
• Dhaabbilee maqaa Oromoon hojjattan hunda walitti fiduuf hojii dalagamu ni deegarra.
• Tokkummaa fi jaalummaa ni dagaagsina.
• Irbuu keenya haaressuun dirqama keenya hunda ni baana

Injifannoon Uummata Oromoof

Gadaan Gadaa Bilisummaa ti

Konyaa ABO Beljiyeem

Mudde 20, 2008